Kudo në kryeqytet ka nisur të vijë një aromë festash. Tirana po zbukurohet gjithnjë e më shumë me dekoret e Krishtlindjeve dhe Vitit të Ri dhe çdo njeri mezi e pret këtë periudhë.
Por nëse ka një vend ku një femër do të ndjente vërtet atmosferën e festave të fundvitit është dyqani i artikujve për shtëpinë, “Villeroy & Boch’, që ndodhet në qendrën Metropol, në rrugën “Sami Frashëri”.
Tashmë në “Villeroy & Boch” kanë mbërritur koleksionet e artikujve për festat e fundvitit “Toy’s Delight” dhe “Toy’s Fantasy” dhe na besoni, janë një magji më vete.
Artikujt ndahen në disa, mes të cilave ata dekorues për Krishtlindje, ata të kuzhinës me dizajn festiv dhe format për realizimin e ushqimeve speciale në formë yjesh apo bredhi.
Kështu të gjitha ju amvisa që do të gatuani ushqime të shijshme për festat, duhet të kujdeseni për anën estetike si për shembull duke e servirur gatimin në këto pjata të mrekullueshme me dekor tradicional të Krishtlindjes, që mund t’i ruani për gjenerata të tëra në vitet në vijim.
Gjithashtu do të gjeni dekoret më fantastike për dekorimin e bredhit nga globët me Babagjyshin e Vitit të Ri te slita e tij magjike që fluturon natën e ndërrimit të viteve.
Setet e enëve të qerasjes apo të shtrimit të tryezës janë akoma më speciale. Ato e bëjnë mundin e një amvise të vlerësohet edhe më shumë kur tavolina është e shtruar kaq fisshëm si kjo me enët e “Villeroy & Boch”.
Bëjini festat të paharrueshme duke bërë dhurata nga koleksionet festive të dyqanit, që nuk do t’i refuzonte asnjë femër. Dhe na besoni kur themi ASNJË!
