Dhe pritja e ëmbël mori fund! Eni Koçi është bërë nënë për herë të parë. Këngëtarja ka sjellë në jetë vajzën e saj, të cilën e ka quajtur Adea.
Lajmin e ëmbël e ka bërë me dije vetë Eni në Instagramin e saj ku ka ndarë foton me doçkën e të sapolindurës. Nuk ka munguar edhe dedikimi i ndjerë i këngëtares për të voglën e saj.
“Mirë se erdhe Adea Prelvukaj❤️
Jam e bekuar që sot mora emrin më të shenjtë, emrin Nënë. Adea ime, të dua më shumë se çdo gjë në botë.
Faleminderit që ma zbukurove jeten🙏,”-shkroi Eni.
Nga ana tjetër Greta Koçi ka bërë një reagim mjaft të ëmbël pasi tashmë ajo është bërë teze. Ajo ka publikuar një video ku duket kaq e lumtur. Greta shkruan në Instagram: “Sot u bëra teze e një ëngjëlli të vogël. Nuk e kisha besuar kurrë që do ndjeja kaq shumë emocione. Zemra më doli nga vendi nga lumturia. E dua Adean aq shumë sa nuk gjej dot fjalë ta shpreh dashurinë që kam për të…Faleminderit Zotit dhe faleminderit Eni Koçi dhe Genc Prelvukaj që ma mbushët shpirtin plot”.
Sigurisht që edhe urimet nga Vip-at e njohur shqiptar nuk kanë munguar aspak.
