1 vit më parë Ajola Xoxa humbi babanë e saj, publicisti Arben Xoxa, në moshën 67-vjeçare. Ajola ka treguar se e ka vuajtur shumë ndarjen nga jeta të babait dhe këtë gjë e dëshmon shpesh përmes postimeve në rrjete sociale.
Edhe sot ajo ka ndarë një nga kujtimet më të vyera me të nga dita e saj e dasmës. Ajola shfaqet në foto përkrah të atit e veshur me fustanin e bardhë të nusërisë.
“Mendje e mrekullueshme dhe shpirti më i mirë. Më mungon”, ka shkruar Xoxa në Instagram.
Në muajin shkurt u plotësua 1 vit nga ndarja nga jeta e të atit të Ajolës. Edhe atë ditë të trishtë ajo i kushtoi të atit një dedikim shumë prekës, duke treguar se asgjë nuk ja ka lehtësuar dhimbjen për humbjen e tij.
Arben Xoxa për shumë vite ishte i angazhuar në shtypin vendas dhe të huaj dhe në vitet fundit të jetës u shkëput nga kjo punë për t’ju përkushtuar botimit të veprave ndriçuese mbi historinë dhe çështjen shqiptare.
