Gjatë një interviste me Jason Bateman, aktorja e famshme në mbarë botën Jennifer Aniston, ka rrëfyer të pathëna nga jeta e saj profesionale.
Ajo ka një karrierë të gjatë e të suksesshme në ekran dhe e kemi parë aktore të dhjetëra roleve, por a ka diçka që nuk e ka kënaqur?
A ekziston një projekt i tillë i cili e ka shtyrë Aniston-in të mendojë për dorëheqjen nga aktrimi?
Në fakt po dhe ajo e ka treguar në këtë podcast.
Megjithëse nuk e ka përmendur emrin, Aniston e ka nënkuptuar titullin e filmit në të cilin ka luajtur.
“Të tërhiqem? Po më ka shkuar në mend para dy vitesh, por s`e kisha menduar kurrë më parë. Ishte një punë që e çova deri në fund dhe thashë uau, më mori gjithë jetën ky projekt. Dhe se di a është kjo ajo që dua”- rrëfeu aktorja.
Sipas llogarive, para “The morning show”, Aniston ka xhiruar në vitin 2018 “Dumplin” dhe në vitin 2019 “Murder Mysery” .
Megjithatë Aniston ka folur pozitivisht për aktorin Adam Sandler, me të cilin bashkëpunoi në “Murder Mystery”, ndaj me siguri filmi që e ka bërë të mendojë të heqë dorë nga karriera mund të jetë “Dumplin”.
