Kostas Arvanitis, heroi shqiptar që shpëtoi 70 persona gjatë zjarreve në Greqi, është ndarë nga jeta.
Pas një beteje të gjatë me kancerin, Arvanitis ndërroi jetë këtë fundjavë raportojnë mediet greke.
Kryeministri i Greqisë, Kyriakos Mitsotakis, ka reaguar për humbjen e shtetasit shqiptar, i cili bëri një vepër për t’u mbajtur mend gjatë:
“Kostas Arvaniti ishte shembull i solidaritetit dhe ndarja e tij nga jeta na mbushi të gjithëve me trishtim. Varrimi i tij do të jetë shpenzim publik. Është një vepër e vogël mirënjohjeje nga të gjithë ne për trimërinë që tregoi natën e tragjedisë kur pa e menduar dy herë shpëtoi 70 persona”.
Si i shpëtoi 70 personat!
Në 23 korrik 2018 Arvanitis kishte një ditëlindje në familje dhe ishin mbledhur së bashku me disa miq.
Por në vend që të festonte, shqiptari nuk ngurroi asnjë minutë të merrte varkën e tij të peshkimit dhe të nxitonte për të shpëtuar dhjetëra njerëz të bllokuar në Mati, nga zjarret vdekjeprurëse.
Ai mori me vete gruan e tij Chryssa, djalin Dimitris dhe punonjësin egjiptian Mahmout Messafer. Një nga një, ata i ndihmuan njerëzit.
/Ora News
