Shpërthimi i vullkanit Etna mund të ndikojnë në cilësinë e ajrit, në të gjithë Evropën Jugore , në fund të javës.
Mbrëmjen e së hënës, Etna, i njohur si vullkani më aktiv i Evropës, shpërtheu duke nxjerrë lavë dhe hi në ajër. Tymi filloi të ngjitet përmes atmosferës të martën. Rrymat e forta të erës e kanë rrëmbyer hirin nga shpërthimi, duke e larguar nga mali Etna, për ta çuar drejt pjesës jugore të Evropës, përfshi këtu vendin tonë, Shqipërinë dhe Kosovën.
“Gjatë ditëve të ardhshme, hiri do të përfshijë verilindjen dhe të gjithë Italinë jugperëndimore, të cilat do t’i ndjenjë më shumë efektet”, tha Meteorologu i AccuWeather, Tyler Roys.
Hiri i shpërndarë në të gjitha nivelet e sipërme të atmosferës mund të zbehtë diellin, në Detin Jon, në Ballkan, të enjten dhe të premten.
Etna është i vendosur në bregun lindor të ishullit italian të Siçilisë. Vullkani më aktiv i Evropës, shpërtheu pranë qytetit siçilian Catania, në Italinë e Jugut, në orët e para të së martës, më 28 shkurt, 2017. Shpërthimi nuk ishte i rrezikshëm dhe aeroporti i Katanias është ende i hapur dhe funksionon plotësisht.
Megjithatë ka fluturime , që do të ndikohen nga hiri dhe çdo shpërthim i mëtejshëm mund të shkaktojë vonesa të vogla të fluturimit për ata që udhëtojnë në Detin Mesdhe, sidomos pranë malit Etna, ku hiri do të jetë më i dendur.
