Mëngjesin e sotëm një shpërthim i fuqishëm me eksploziv ka ndodhur në rrugën “Jordan Misja” pranë Ambasadës Amerikane në Tiranë. Ngjarja ka ndodhur në një servis celularësh pranë ish-drejtorisë së Higjienës, ku ka ngelur i plagosur pronari i dyqanit, i cili ishte duke punuar në tavolinën e tij të punës.
34-vjeçari Gentian Hoxha është transportuar menjëherë për në spital pasi ka pësuar dëmtime të shumta në pjesët e sipërme të trupit.
Pas shpërthimi menjëherë në vendngjarje ka mbërritur policia dhe sipas hetuesve dyshohet se 34-vjeçari në ambientet e servisit prodhonte mina me celular.
Në momentin e shpërthimit mendohet se ai ka qenë duke montuar një minë dhe i ka shpërthyer në duar. Ndërkohë policia po vijon hetimin për zbardhjen e plotë të ngjarjes.
