Vdekja e aktivistit të Vetëvendosjes dhe pasqyrimi i saj nëpër media, nuk është pritur mirë nga këngëtarja Vesa Luma, e cila është shprehur e irrituar për këtë gjë.
Në një postim në Facebook, Vesa shprehet e shqetësuar që disa nga portalet shqiptare kanë publikuar videon e vdekjes së aktivistit të Lëvizjes Vetvendosje, Astrit Dehari, në burgun e Prizrenit.
Këngëtarja ka shkruar një status në Facebook, duke e cilësuar këtë gjest si të turpshëm dhe aspak njerëzor për familjarët:
“A jeni në vete o njerëz! A spektakël po ju duket një ngjarje tragjike që e bëni share në FB e gjithandej? Po këto portalet,a i kanë pyetur familjaret për këtë video? Apo mjafton me pas klikime! Ju dhjefsha klikimet e po më vjen me ju mallku me krejt zemren per keto gjeste”!
Vesa Luma ka pak kohë që i është rikthyer muzikës me dy projekte të reja muzikore, pas një pauze të shkurtër për shkak të shtatzënisë së saj.
