Sot mbrëma do të mbahet në Pallatin e Kongreseve nata finale e “Këngës Magjike 2017”. Tashmë këngëtarët e kanë votuar njëri-tjetrin dhe emrat pjesëmarrës të natës finale janë zgjedhur.
Këngëtari Klejti Mahmutaj duket se nuk ka arritur të kalojë në natën finale dhe ka shpërthyer në akuza ndaj “Këngës Magjike”.
“Përshëndetje, miq, kolegë, dashamirës. Rrugëtimi im ‘magjik’ përfundoj në gjysmë finale. Kolegët e nderuar që paskan dëgjuar me veshët mbrapa koke e mendjen te pazaret kanë vënë firmën e tyre prej pseudo-artistësh në ato fleta me të cilat kanë blerë finalen e tyre.
Ky qenka arti shqiptar, nuk shkoke dot shumë larg nëse nuk di dhe pranon të bësh kompromise, nëse nuk bëhesh si ata, nëse nuk këndon me pikë. Mesa duket zëri, talenti, interpretimi hidhen në kosh përpara pazareve. Suksese të gjithëve, e fitoftë me servili!- ka shkruar Kejti në postimin e tij në “Instagram”.
