Elton Deda është shprehur sërish i shqetësuar për gjendjen e muzikës në Shqipëri.
Përmes një statusi në “Facebook”, këngëtari i mirënjohur i rokut shqiptar, tha se ndjente keqardhje për faktin se, mediat i kushtojnë shumë pak vëmendje kulturës dhe merren me njerëz pa asnjë vlerë, që bëhen të famshëm pikërisht prej medias.
“Gjithçka ordinere që ndodh, histori seksi ose njerëz pa asnjë lloj vlere, që bëhen të famshëm brenda ditës, lajme pa kurrfarë brendie, servilizma për përkrahje politike, ose futje hundësh nëpër gjëra private të njerëzve. Këto i bëjnë me shumë qejf dhe zell. Por, askush nuk foli për koncertin e 3 Musketierëve dhe as për koncertin e Albanit, për këtë erë të re që po e gëzon qytetin tonë. Askujt nga mediat tona nuk i intereson kultura dhe gjërat e mira që me aq mundim i bëjmë. Kjo është vërtetë për të ardhur keq”, shprehet i indinjuar këngëtari i njohur.
