I ftuar te RTV Ora, Shpat Kasapi foli për lindjen e djalit të tij Roelit.Ai ka lindur para 6 ditësh.
“Nuk kisha frikë kur e mbajta. Gjithmonë i kam dashur fëmijët, sidmos bebat, por ndjenja ishte e veçantë kuptohet, e papërshkrueshme. Të kesh fëmijë do të thotë të kesh një engjell shtesë në jetën tënde, një plotësim në jetë dhe një lumturi”,- u shpreh Shpat Kasapi.
Shpati tregoi se djali peshoi 3 kilogram e 300 gram dhe se Selvija është mirë. Ai u shpreh se as gjumin se ka ndjerë fare se është mësuar me koncertet. Ndërsa për kuptimin e emrit Roel ai tregoi se do të thotë gur i çmuar.
“Tani do të kem më përkushtim ndaj familjes, shtëpisë. Nuk do shkëputem nga muzika se e kam pasion jete. Nuk do ndryshoj asgjë në muzikë. Po bëj 2 projekte të reja, nuk do ndalem. Mendoj të bëj dhe një dedikim për djalin”,- tha Shpati.
Shpati shprehu dëshirën e një familjeje të madhe.
Ai dëshiron 4 fëmijë, por Selvija jo, megjithëse tha duke qeshur se do ia mbushë mendjen Selvijes.
Përsa i përket dashurisë, Shpati nuk pajtohet me faktin se dashuria ndahet. Sipas tij ajo është stabile dhe për Selvijen dhe për Roelin e vogël.
