Catriona Grey nga Filipinet mori të dielën kurorën e “Miss Universe 2018”, duke mposhtur garueset nga 93 vende të tjera.
Ajo bëhet filipinasja e katërt që sjell në shtëpi titullin e lakmuar nga shumë vajza. Këtë vit, Shqipëria përfaqësohej nga Trejsi Sejdini, e cila në votimet online ishte ndër më favoritet për të marrë kurorën.
https://www.instagram.com/p/BrXqf4uhggR/
Përpara finales, vëmendje e madhe ishte tek Miss Spanja, Angela Ponce, konkurrentja e parë transgjinore në historinë e këtij eventi.
“Po tregoj se femrat trans mund të jenë gjithçka që ato duan të jenë: një mësuese, një nënë, një mjeke, një politikane dhe madje edhe ‘Miss Universe’”, tha Ponce, e cila nuk arriti të futet në top 20.
