Ditën e sotme u ndanë çmimet kombëtare të letërisë për vitin 2019-të. Mira Meksi mori çmimin “Romani më i mirë 2019” për veprën e saj “Diktatori në kryq”. Çmimi vëllimi poetk më i mirë ju dha Alisa Velaj për “Shtjellë reje, shtjellë zjarri”.
Ndërsa shkrimtari, Shkëlzen Zalli, i cili ndërroi jetë këtë vit, u nderua me çmimin Letërsia për fëmijë më e mirë 2019 për librin me poezi “Kartolina e Zileve”. Çmimin për përmbledhjen më të mirë me tregime e fitoi Romeo Çollaku me librin “Mikrobus”.
Po ashtu përkthyesi i ndjerë Llambro Ruçi u nderua me çmimin Përkthimi më i mirë 2019-të, për veprën “Iliada”. Ndërsa Matteo Mandala, i cilësuar si ylli i diturisë arbëresh, mori çmimin Vepra studimore më e mirë për “Arbërishtja në rrjedhë të shekujve”.
Këtë vit pati një zgjerim për sa i përket zhanreve të gjykuara nga juria, që zgjodhi më të mirët e letërsisë për vitin 2019-të.
? Sot ndamë Çmimet Kombëtare të Letërsisë për vitin 2019. Një vit, që do të mbyllej me një tragjedi, atë të tërmetit,…
Posted by Elva Margariti on Sunday, 20 December 2020
