Ata e kanë mohuar prej kohësh se mes tyre ka diçka më shumë se sa miqësia. Ndërkohë që fejesa e mundshme e tyre u përfol muaj më parë, duket se Katie Holmes dhe Jamie Foxx janë zyrtarisht një çift.
Dyshja e ka mohuar gjithë këtë kohë romancën që mendohet se ka nisur para 3 viteve. Por, ka mjaftuar pakujdesia e njërës prej mikeshave të tyre që ne të mësonim të vërtetën.
Duke folur në një intervistë, ylli amerikan Claudia Jordan u pyet rreth marrëdhënies së saj me Foxx.
“Është një mik shumë i mirë i imi. S’kemi patur asnjëherë diçka më shumë se miqësi. Madje ai është shumë i lumtur me Katie-n. Më pëlqen sesi duket Jamie këto kohë”, tha Jordan duke konfirmuar kështu thashethemet që qarkullonin prej 3 vitesh.
Fillimisht dyshimet lindën në vitin 2013, kur ata u fotografuan në një mbrëmje bamirësie duke kërcyer. Që prej atij momenti, paparacët janë munduar t’i kapin në befasi, por të dy aktorët kanë mundur ta ruajnë shumë mirë privatësinë. Miq të afërt të çiftit kanë treguar që të dy organizojnë takimet në perfeksion, për të mos rënë në sy. Ata i koordinojnë shumë mirë nisjet dhe mbërritjet me avion, duke arritur në të njëjtën kohë për takimin. Urime, pasi deri më tani nuk janë kapur asnjëherë së bashku!
Burimi: Daily Mail
