Të sjellësh në jetë një fëmijë është padyshim bekim i madh dhe përshkruhet nga çdo grua si ndjesia më e bukur, por shoqërohet edhe me disa ‘kosto’.
Një ndër to është edhe fitimi i kilogramëve të tepërt gjatë shtatzënisë (për një pjesë), dhe shihet menjëherë se sfida e një nëne të re është humbja e tyre.
Rreth kësaj teme ka folur së fundmi edhe Olta Boka, e cila nëpërmjet një postimi në Instagram shkruan se shtatzënia e ka ndryshuar shumë dhe mes ndryshimeve liston edhe shtimin në peshë.
Teksa pozon me Gaian me një sfond shumë të bukur, këngëtarja shkruan se shoqëria ushtron presion mbi standardet e bukurisë dhe se ndonjëherë e ka vënë në pikëpyetje faktin se do i rikthehet peshës së mëparshme.
Megjithatë, Olta vijon shkrimin duke shtuar se ka besim se me disiplinën dhe kujdesin që tregon ndaj vetes shumë shpejt do rikthehet në super formë dhe e mbyll me një super fjali: E nëse kilogramët janë e keqja kokëfortë që erdhi me të mirën e bekimet, mund edhe të qëndrojnë aty përgjithmonë.
Te kjo foto shoh perendimin, si dhurate nga Zoti, per te embelsuar mbylljen e dites me ngjyrat me te sheqerosura. Shoh karrocen si motivin per te filluar nje tjeter dite te mbushur me ngjyra, por nuk me shpeton nga syte as vetja. Shoh nje version te ndryshuar, patjeter te permbushur, e me zemren duke shperthyer nga kenaqesia, por edhe me disa kg te shtuara kokeforta per 2 muaj ?
Shoqeria, padashur, ushtron presion mbi standardet e bukurise dhe nuk e mohoj qe ndonjehere e kam vene ne diskutim nese do te mundem te rikthehem ne peshen e meparshme. Por une kam besim, me aq sa njoh veten, me disiplinen, kujdesin qe tregoj ndaj vetes, me kontrollin ndaj ushqimit e me aktivitet fizik qe shume shpejt kg nuk do te jene me nje “shqetesim” per mua. Per momentin zgjodha te shijoj cdo sekonde me te voglen time sepse e di qe koha kalon shpejt e do te me marre malli per keto momente te pakthyeshme. E nese kilogramet jane e keqja kokeforte qe erdhi me te miren e bekimet??, mund edhe te qendrojne aty pergjithmone ???
https://www.instagram.com/p/CFPyMNRl8se/
Në korrik të këtij viti, këngëtarja shumë e dashur për publikun shqiptar u bë nënë për herë të parë, duke sjellë në jetë vogëlushen që e pagëzoi me emrin Gaia.
