Khloe Kardashian doli të dielën për të festuar ditëlindjen e 36-të të shoqes së saj të ngushtë Malika Haqq dhe motrës së saj binjake Khadijah Haqq McCray.
34-vjeçarja u tregua shoqja më e mirë pasi mori një aeroplan privat për të festuar ditëlindjen.
Në videot e publikuara Khloe Kardashian dëgjohet duke thënë “Gëzuar ditëlindjen” ndërsa shkruan “Më të mirat për shoqet e mia më të mira”.
Vajzat nuk pritën më, por e nisën festën në bordin e avionit me shampanjë dhe ëmbëlsira, para se të mbërrinin në Vegas.
Khloe shkroi në blogun e saj më parë se ajo ka qenë shoqe me motrat binjake që kur ishte 15 vjeç.
“Malika ishte e lidhur me një nga miqtë e mi më të mirë. Një ditë ne u takuam dhe u bëmë shoqe. Që nga ajo kohë Malika dhe Khafijah u bënë shoqet e mia më të mira”.
Dhe në fakt Malika e ka treguar besnikërinë e saj ndaj Khloe-s duke i ndenjur pranë në momentet më të vështira, si ai i tradhtisë së Tristan Thompson.
Ajo i ka dalë gjithnjë në krah Khloe-s dhe e ka vërtetuar besnikërinë ndaj saj!
Ja përse Khloe bëri atë që bëri për shoqet e saj të ngushta!
