Shoqata e Transportit publik ka dalë sërish në protestë dhe ka kërkuar që qeveria të dëgjojë dhe të plotësojë kërkesat e tyre që i kanë përsëritur vazhdimisht në çdo protestë të tyren.
Edhe pse kryeministri Edi Rama pak ditë më parë ndaloi protestat dhe grumbullimet për shkak të Covid-19, kjo nuk e ka ndaluar Shoqatën e Transportit Publik të protestojë e të kundërshtojë për nisjen nga puna ditën e hënë.
Në një deklaratë për mediat, Shoqata e Transportit Publik me anë të përqaqësuesve të tyre është shprehur se protokollet e qeverisë nuk mund të zbatohen, pasi asnjë vend i botës nuk e ka këtë gjë.
“Kemi dërguar në datën 15 qershor kërkesa për ndryshimet e protokollit dhe nuk na dëgjuam. Nuk mund të fillojmë punë kështu, ne kërkojmë që të bëhet si në të gjithë Evropën.
Nuk mund të bëjmë shpikje, nuk është asnjë vend që të shoferi të mbajë përgjegjësi për sjelljen e pasagjerëve, kjo është e papranushme”, u shpreh një prej përfaqësuesve të shoqatave.
Më tej ata shprehen se kërkojnë që të ulen me qeverinë dhe ministrinë të bisedojnë se si mund të bëhet me e mira.
Sipas tyre, në këto kushte nuk mund të fillohet punë, pasi protokollet janë të pazbatueshëm.
