Stilistja e famshme e modës Kate Spade u gjend e varur ditën e djeshme në shtëpinë e saj.
55 – vjeçarja kishte lënë një shënim që i drejtohej vajzës së saj 13-vjeçare Bea Beatrix, fëmija i saj i vetëm, duke i thënë asaj se ajo do ta donte gjithmonë dhe nuk duhej të ndihej fajtore për vdekjen e nënës së saj.
Sipas TMZ në shënim shkruhej: “Bea , unë gjithmonë të kam dashur. Ky nuk është faji jot. Pyet babin!”
Sipas burimeve të policisë bashkëshorti i stilistes ishtë në shtëpi ndërkohë që ajo u vetëvra.
Kujdestarja e shtëpisë ishte ajo që zbuloi trupin e pajetë të Kate e cila kërkoi ndihmën e mbikëqyrësit të ndërtesës për ta zbritur poshtë.Spade u shpall e vdekur në vendngjarje. Nuk është e qartë se sa kohë kishte që kishte vdekur, por ekzaminuesit mjekësor do të kryejnë një autopsi.
Në një deklaratë, familja e Spade njoftoi se ata ishin të shkatërruar nga tragjedia e sotme.
“Ne e donim shumë Kate dhe do të na mungojë tmerrësisht shumë”- thanë ata.
“Ne do të kërkojmë që privatësia jonë të respektohet gjatë këtij pikëllimi që po kalojmë” – shtonte më tej deklarata e familjarëve.
Shefi i Policisë së NYPD Dermot Shea tha se policia nuk po e trajton vdekjen e Spade si të dyshimtë.
Të afërmit thonë se vdekja e saj vjen pas një beteje të gjatë me një sëmundje mendore. Motra e saj Reta Saffo tha për “DailyMail” se Spade kishte çrregullim bipolar i cili u përkeqësua nga statusi i saj i famshëm pasi marka e saj u bë prestigjoze.
Megjithatë, një burim tjetër tha se Kate dhe Andy bashkëshorti i saj kishin probleme në marrëdhënien e tyre.
