Modeli fringo i ri i flokëve është një mënyrë për të shënjuar një ndryshim të rëndësishëm në jetë. Pra si një ndarje, histori e re dashurie apo edhe pasi bëhesh për të parën herë nënë.
Pas Xhensila Myrtezaj, e cila preu flokët dhe ndryshoi ngjyrën, disa muaj pasi solli në jetë vajzën e saj të parë, Ajka duket se edhe Ajola Xoxa ka ndjekur të njëjtin shembull. Bashkëshortja e kreut të Bashkisë, Erion Veliaj ka ndryshuar ngjyrën e flokëve duke u bërë edhe ajo pjesë e familjes së bjondeve.
Ajola duket edhe më e ëmbël me modelin e ri të flokëve. Në fotot e bëra publike, ajo pozon e lumtur, duke buzëqeshur, e veshur me një fustan të zi. Mesa duket, nënës së re i ka pëlqyer ndryshimi në pamje. Sipas ekspertëve, shumë gra vendosin të bëjnë ndryshime drastike tek flokët pasi sjellin në jetë një fëmijë, sepse duan të rimarrin nën kontroll trupin dhe jetën e tyre.
Me tetë tetor, Erion Veliaj dhe Ajola Xoxa u bënë prindër për herë të parë, pasi u bekuan me një vogëlush, të cilin e pagëzuan me emrin Kajan. Prindërit e rinj kanë zgjedhur që të mos shfaqin në rrjetet sociale imazhin e vogëlushit, ndaj deri më tani i kemi parë vetëm këmbën e vockël.
