Autorja britanike Jilly Cooper, e njohur për shumë romane bestseller, përfshirë “Rivals” dhe “Riders”, ka ndërruar jetë në moshën 88-vjeçare.
Në një deklaratë, familja e saj tha se “Dashuria e saj për të gjithë familjen dhe miqtë e saj nuk njihte kufij dhe vdekja e saj e papritur ka ardhur si një tronditje e plotë”.
Raportohet se ajo ka nderruar jete të dielën në mëngjes pasi pësoi një rrëzim.
Agjentja e Cooper, Felicity Blunt shtoi: “Privilegji i karrierës sime ka qenë të punoj me një grua që ka përcaktuar kulturën, shkrimin dhe bisedën që kur u botua për herë të parë më shumë se pesëdhjetë vjet më parë.”
“Jilly padyshim do të mbahet mend më së miri për serialin e saj që kryesoi top listat The Rutshire Chronicles dhe heroin e saj të pashëm dhe të shfrenuar Rupert Campbell-Black.”
Libri i parë, ‘Riders’, i serisë u botua në vitin 1985, dhe ‘Tackle’ më i fundit në vitin 2023. Puna e Cooper pati një ringjallje vitin e kaluar pas shfaqjes së serialit komedi-dramë të Disney+ ‘Rivals’, i cili u adaptua nga romani i saj qe daton ne vitin 1988.
Sezoni i dytë i serialit është aktualisht në prodhim përpara publikimit të tij vitin e ardhshëm.
