Shkrimtari i njohur shqiptar, Dritëro Agolli ka sot ditëlindjen dhe mbush plot 85 vjeç. Shkrimtar, publicist, veprimtar shoqëror, anëtar i Akademisë së Shkencave të Shqipërise. Lindi në Menkulas të Devollit. Mesimet e para i mori në vendlindje, të mesmen në shkollen “Asim Zeneli” (Gjirokastër), ku bëri dhe sprovat e para letrare. Në vitet 1952 – 1957 ndoqi studimet e larta në Fakultetin e Letërsise të Universitetit të Leningradit. Nëvitet 1957 – 1972 punon si redaktor e gazetar në të përditshmen “Zëi i popullit” (shih). Në vitet 1973 – 1992 ka qenë kryetar i Lidhjes sëShkrimtarëve dhe Artistëve të Shqipërise. Dritero Agolli është një nga figurat qendrore të poezise shqipe dhe një nga përfaqësuesit më të rëndësishëm të “brezit te viteve 1960”.
Të shumta kanë qenë urimet që poeti ka marrë, por urimi më i veçantë i erdhi nga fshati i tij i lindjes Menkulas, ku familjarë ishin mbledhur për të festuar përvjetorin e 85-të të Dritëro. Sot, Dritëro Agollin e ka vizituar ministrja e Kulturës, Mirela Kumbaro, e cila ka treguar më pas dhuratën e veçantë që i ka bërë shkrimtari asaj, një roman me dedikim. Edhe Kryeministri Rama e ka uruar publikisht Agollin.
Agollit. Posta Shqiptare gjithashtu ka vendosur t’i dedikojë pullën postare shkrimtarit, me rastin e 85vjetorit të tij të lindjes. Pulla postare është realizuar nga autori Petraq Papa, dhe ka një vlerë prej 120 lekësh. Tirazhi i kësaj pulle postare është 34.250 pulla si dhe 250 copë FDC ( Zarfi i ditës së parë). Emisioni i kësaj pullë përbëhet nga një seri me një pamje, një tabak të përbërë prej nëntë pullash, si dhe nga zarfi i ditës së parë.
