Një efektiv i policisë së Drenasit është arrestuar pas akuzave për shpërdorim detyre dhe abuzim seksual të një vajze 16-vjeçare.
Historia nis më 14 shtator 2016, kur hetuesi me iniciale V. V., ishte në detyrë në Drenas, kur u shfaq një vajzë e mitur që donte të denonconte profesorin Sh. Xh., për abuzim seksual.
Pasi i mori deklaratën dhe e fotografoi të zhveshur vajzën, hetuesi V.V., nën kërcënim dhe shantazh e shfrytëzoi seksualisht të renë, për më shumë se një vit.
Vajza mbeti shtatzënë dhe efektivi e detyroi të abortonte në klinikën e gjinekologut, F. Ahmeti në Prishtinë.
Pas bërjes publik të rastit nga Insajderi, policia ka vënë në pranga efektivin i cili, një javë më parë kishte marrë një certifikatë mirënjohjeje nga eprorët e tij për punë të mirë si polic i Kosovës.
Prokuroria ka bastisur edhe klinikën e gjinekologut Ahmeti, i cili po dyshohet për kryerje të abortit të paligjshëm.
Sipas rrëfimit të viktimës, hetuesi e kishte provokuar vazhdimisht që prej fillimit.
Ai i kishte thënë se sapo të arrinte moshën madhore do ta ftonte të dilnin.
Në një moment madje i kishte thënë: “Nuk paska pas faj profesori”.
Fotoja e policit me certifikatën e mirënjohjes ka nisur të qarkullojë gjithandej në media dhe madje do të ketë edhe protesta masive në Kosovë.
