Në një lidhje direkte me “News24”, gazetarja Aurora Golemi tha se burime brenda QSUT i kanë konfirmuar se një mjek reanimator është prekur nga COVID-19.
Testi i mjekut ka rezultuar pozitiv, duke e çuar në 8 numrin e mjekëve të infektuar deri tani në vendin tonë.
Gjithashtu, gazetarja u shpreh se gjatë orëve të fundit në Spitalin e Infektivit kanë mbërritur 6 autoambulanca me pacientë për t’u kontrolluar.
Kjo ngre dyshimet se në orët në vijim do të shtohet numri i personave të prekur me Covid-19, mirëpo ende presim rezultatet ende të papublikuara të analizave.
Gjithsej në Shqipëri janë regjistruar 51 raste të konfirmuara me Koronavirus, ndërsa është shënuar gjithashtu viktima e parë në Durrës.
