Sipas “Shqiptarja.com”, ka shkuar në 11 numri i personave që kanë humbur tragjikisht jetën për shkak të tërmetit të fuqishëm që ra orët e para të mëngjesit të sotëm.
Një grua e moshuar u nxorr e pajetë nga rrënojat në Thumanë, ndërkohë që arriti të shpëtonte nipi të cilin e mbante mbi prehërin e saj.
Tre të pajetë u gjendën në Durrës, ndërsa katër prej tyre tek “Hotel Vila Palma” në Shkëmbin e Kavajës.
Gjithashtu, në Kurbin humbi jetën një person duke u hedhur nga kati i tretë i një pallati për shkak të panikut, ndërsa një tjetër ndërroi jetë duke pësuar një aksident me makinë, pasi humbi kontrollin për shkak të tërmetit.
