Policia e Klosit ka marrë sot një informacion se një 31-vjeçar me banim në fshatin Gurrë, po shkonte i armatosur në drejtim të banesës së bashkëshortes në fshatin Plan i Bardhë.
Shërbimet e Policisë së Klosit kishin rrethuar banesën në distancë kur dëgjuan një të shtënë me armë zjarri.
Rreth 150 metra larg banesës së vjehrrit u gjet i vetëvrarë me një plumb në kokë Ari Hoxha. Ky i fundit do të bëhej baba së shpejti, por kishte mjaft probleme me bashkëshorten, pasi edhe e dhunonte.
Në fotot e tij të publikuara në Facebook, vihet re pasioni i tij për armët. 31-vjeçari ka foto me kallashnikov në mes të borës, por edhe foto ku mban në dorë një pistoletë, të cilën ia drejton vetes dhe aparatit.
“Ja faltë Zoti grykën, Zoti e bekoftë”, shkruan 31-vjeçari në një foto të tijën ku shfaqet teksa mban lart kallashnikovin.
“Shqiptarja.com” shkruan se dyshohet të jetë pikërisht kjo armë me të cilën ai i dha fund jetës së tij.
