Sidorela Rama u nis drejt dyqanit pranë lagjes për të blerë bukë dhe nuk u kthye më në shtëpi. Pasi kaluan më shumë se 24 orë nga momenti që ajo u pa për herë të fundit, familjarët iu drejtuan Policisë së qytetit të Fierit.
Sipas denoncimit të familjarëve, mësohet se nëna e dy fëmijëve doli nga shtëpia, pasi i tha gjyshes së saj se po shkonte të blinte bukë në dyqanin e fshatit. “Panorama” shkruan se 22 vjeçarja ka pasur me vete edhe një telefon celuar, i cili rezulton i fikur.
Policia ka shpërndarë foton e Sidorela Ramës në pikat më të afërta si dhe ka kërkuar ndihmën e Policisë Kufitare. Kërkimet po bëhen edhe nga familjarët e saj. Nuk dihet ende se çfarë ka ndodhur me nënën e dy fëmijëve, e cila sipas familjarëve të saj nuk ka shfaqur probleme.
