Mbrëmjen e kaluar në Shqipëri u identifikuan edhe 4 persona të tjerë të prekur nga koronavirusi.
3 prej tyre ishin familjarë të 28-vjeçarit që rezultoi pozitiv dy ditë më parë.
Ndërsa rasti i katërt ishte një 31-vjeçar me banim në Tiranë, i cili kishte shkuar në Milano.
Ai shkoi drejt këtij qyteti vetëm për një ditë dhe Erion Braçe ka zbardhur arsyen e vizitës së tij.
Në deklaratën e tij, Braçe thotë se i riu shkoi në Milano për të vizituar dajën e sëmurë.
“Ky virus shfrytezon fort menyren tone te jeteses; E DIME MIRE, NE JEMI POPULL SHUME SOCIAL, “BEHEMI SHUME” ME NJERI TJETRIN! I infektuari i 6-te eshte nje dale i ri qe ka shkuar vec per disa ore ne Milano, “per te pare dajen e shtruar ne spital atje”!!!!!!!!!! Vec kaq pak eshte dashur!”, shkruan ndër të tjerash në postim Braçe.
31-vjeçari udhëtoi për në Milano 6 ditë më parë dhe tani është i shtruar në Spitalin e Infektivit së bashku me 5 personat e tjerë.
