Mbrëmjen e djeshme një i moshuar i quajtur Bardhok Gegaj, 82-vjeç, ka denocuar në emisionin “Stop” se është përjashtuar nga azili i plqeve në Shkodrës, pasi gjatë kohës së karantinës ka dalë pa leje, për të bërë për një trajtim në shtyllën kurrizore.
I moshuari ka treguar se ka kërkuar leje për të dalë duke u bazuar në urdhrin e qeverisë, i cili lejonte një ditë në javë që të moshuarit të dilnin nga banesat në orare të caktuara.
Më tej ai thotë se problemet i kanë nisur në fund të muajit mars dhe në fillimit të prill, pasi drejtori e ka futur në karantinë dhe pse ai ka dalë negativ në testin e Covid-19.
I moshuari tregon se jo vetëm është dëbuar nga azili, por 40% e pensionit i është mbajtur nga azili, edhe pse gjatë kësaj kohe duhet ta siguronte vetë ushqimin, fjetjen dhe gjithçka tjetër.
Drejtoresha: Kjo është shkresa e Shtëpisë së të Moshuarve, ku ka thënë, që nga 01.07. ka ik nga institucioni. Këto janë pagesat, që i kanë kalu këtu -40% korrik-gusht, që ia kena dhënë shtesë kreditore në shtator.
Gazetarja: Pra ju më konfirmoni, që në periudhën mars-prill-maj-qershor, buxheti i ka kaluar Shtëpisë së të Moshuarve.
Drejtoresha: Ja prill-maj-qershor. -37,-37 pra -40% deri në 1 korrik, që na ka ardh shkresa, që zotëria ka ik. Nga 1 korriku ne ia kena bo të plotë.
Gazetarja: Sa e ka masën e pensionit?
Drejtoresha: 95 (mijë lekë të vjetra).
Nga ana tjetër drejtori i shtëpisë së të moshuarve Shkodër, Fatjon Hoxha, thotë, se zotëria është larguar me dëshirë nga institucioni, edhe pse ai i është lutur të mos e bëjë.
“Ja ku është letra e tij që kërkon të largohet nga azili. Ai është larguar me dëshirë, i jam ulur të mos ikte. I kam thënë të mos ikte”, thotë Hoxha. Ndërkohë Gegaj shprehet se drejtuesi i azilit është një “palaço dhe mashtrues” dhe shton se do të kthehet sërish në azil.
