Ditën e sotme kanë ndryshuar masat e ndërmarra për frenimin e lëvizjes së këmbësorëve.
Rama bëri me dije se dalja e këmbësorëve do të kufizohet vetëm në oraret: 06.00 – 10.00 dhe 16.00 – 18.00.
Mirëpo, disa qytetarë e shkanë shkelur rregullin dhe kanë qarkulluar edhe pas orës 10:00.
Policia e Shtetit ka ushtruar dhe po vazhdon të ushtrojë kontrolle, ndërsa bën të ditur se brenda 4 orëve janë gjobitur 165 shtetas.
Për moszbatimin e masave kufizuese, secili prej tyre ka marrë një gjobë prej 10.000 lek të reja.
Njoftimi i policisë
“Respektimi i masave kufizuese, në të mirë të vetes dhe të njerëzve përreth. Në zbatim të masave kufizuese për parandalimin e përhapjes së COVID-19, në të gjithë territorin e vendit, shërbimet e Policisë së Shtetit kanë ushtruar dhe vijojnë të ushtrojnë kontrolle për zbatimin e një prej masave kufizuese, asaj të kufizimit të daljes vetëm në fashat orare 06:00 – 10:00 dhe 16:00 –18:00, për të gjithë qytetarët.
Në të gjithë vendin, prej orës 10:00 deri në këto momente janë ndëshkuar me masë administrative me vlerën 10.000 lekë secila, 165 shtetas, të cilët nuk kanë respektuar oraret kufizuese. Policia e Shtetit apelon për të gjithë qytetarët që secili të kontribuojë për të parandaluar përhapjen e COVID-19, duke respektuar me rigorozitet masat kufizuese të ndërmarra për këtë qëllim.”
