Legjenda e repit, Tupac Shakur, i cili i solli një ndryshim në botën e muzikës dhe në jetesën e të rinjve, nuk harrohet edhe pas 20 vitesh pasi është ndarë nga jeta.
Familjaret e tij nxorën në shitje online sendet e tij private, por për të mos rënë në sy nga media ata kanë vendosur t’i shesin një e nga një.
Një burim për “TMZ” konfirmoi, se bibla personale e reperit ra në duart e një djaloshi, i cili shet produkte online dhe e ka bërë këtë gjë me pëlqimin e familjarëve të Tupac.
Kjo bibël është firmosur nga vetë këngëtari dhe familjarët e tij i kanë vënë një çmim të frikshëm pa marre parasysh faktin, që librat e shenjtë dhurohen e nuk shiten.
Libri i tij i shenjtë do të shitet për 54 mijë dollarë dhe njerëzit janë vënë në radhë se kush mund ta blejë i pari. Mesa duket familja e Tupac Shakur ka nevojë për para, përderisa bëjnë gjeste të tilla jo të hijshme.
Fansat e tij mendojnë se sendet e tij personale nuk duhen shitur, por me to mund të hapet një muze për nder të këngëtarit të madh dhe në këtë mënyrë edhe familjarët do të merrnin ndonjë shumë të konsiderueshme parash.
Burimi: TMZ
