Modelja e Victoria’s Secret, Devon Windsor mund të jetë femra më me fat e momentit.
Ajo ka marrë një propozim special për martesë nga i dashuri prej dy vitesh, Johnny Dex.
Çifti i dashuruar ndau lajmin me fansat në rrjetet sociale. Bukuroshja bjonde tregoi unazën e diamantit ndërsa relaksohej me të dashurin e saj.
Pas një lidhje prej 2 vitesh Dex i propozoi yllit të pasarelave të premten. Gjatë një udhëtimi me avion privat, modelja pa të shkruar në rërën e një plazhi privat në Bahamas pyetjen: “Do të martohesh me mua?”
Dhe padyshim që përgjigja e saj ishte ‘Po’.
“Kjo ishte dita më e bukur e jetës sime dhe mezi pres të martohem me personin më të mirë në të gjithë universin. Jam gruaja më me fat në botë”, shkroi Windsor në rrjetet sociale.
Shumë rastësisht, pa qenë në dijeni të propozimit, ajo mbante veshur një fustan të bardhë.
