Aktori i famshëm Tom Hanks ka pranuar të jetë pjesë e një filmi për jetën e Elvis Pressley-t, që po xhirohet në Australi.
Hanks do të luajë rolin e kolonelit Tom Parker, ndaj i është dashur të ndryshojë look për t’u përshtatur sa më mirë me rolin e tij.
Ndryshimi i parë që ka bërë kanë qenë flokët, siç aktori ka treguar në një lidhje me programin “The Graham Norton Show”.
Fillimisht, ai u shfaq në ekran me një kapele, ndërsa më pas e hoqi atë duke bërë humor dhe ironi me pamjen e tij.
“Shikojeni këtë model të tmerrshëm. I tremba fëmijët me këto flokë. Dua t’i kërkoj falje që ju desh të shihnin diçka të tillë.”- tha Hanks duke qeshur.
Në mars të vitit që lamë pas, aktori dhe bashkëshortja e tij Rita Wilson, u infektuan me Covid-19.
Aktori ka rrëfyer se ata kishin shfaqur simptomat e virusit si lodhje, dhimbje trupi, ethe dhe temperaturë, ndërkohë që u izoluan dhe u trajtuan nga mjekët.
Sipas dyshimeve të para, çifti e ka marrë koronavirusin një muaj më parë në Australi, teksa qëndronin në hotelin luksoz “Gold Coast`s Oracle”, ku vetëm një natë kushton 1100 euro.
Në të njëjtën periudhë me ta ka qëndruar në hotel edhe një burrë nga Wuhan-i, i cili rezultoi gjithashtu pozitiv ndaj koronavirusit.
Mendohet se personi në fjalë është shkaku i infektimit të Hanks dhe partneres së tij, megjithatë asgjë nuk është 100% e sigurt.
