Jonida Maliqi dhe Romeo Veshaj kanë nisur pushimet në Porto Montenegro, një destinacion jahtesh luksoze në Mal të Zi!
Çifti i njohur i showbiz-it që e bëri publike romancën gjatë karantinës, po shijon këto ditë pushimesh nën shoqërinë e njëri-tjetrit.
Romeo ka publikuar disa pamje nga pushimet me Jonidën, ku nuk mungon as një video e këndshme e një rrengu që i punoi ai.
Në përpjekje për t’i realizuar një foto buzë pishinës, Romeo e shtyn Jonidën në pishinë, e cila përfundon në ujë me gjithë peshqir dhe syze.
“Shiko pak majtas”, i thotë aktori partneres së tij, e cila pati besimin se do t’i realizonte një foto të bukur, por jo!
Mali i Zi është destinacioni i radhës i pushimeve të çiftit, pas atij në jug të Shqipërisë ku Romeo dhe Jonida kaluan disa ditë fantastike gjatë pandemisë.
Çifti pranoi lidhjen nëpërmjet disa videove në TikTok dhe që atëherë në rrjete sociale kanë ndarë herë pas here momente së bashku.
