Reshjet e shiut do jenë prezente thuajse çdo ditë. Sipas Meteoalb, reshjet nuk do të jenë intensive, por që do të jenë të pranishme deri në fund të muajit.
Më intensive reshjet e shiut do të jenë në zonat veriore, ndërsa sa i përket temperaturave ato do të kenë luhajte të vazhdueshme, duke bërë të mos jenë tipike të kësaj stine.
“Pritet që në ditët vijim rebeshët dhe reshjet afatshkurtra të vijojnë kryesisht në zonat malore të pjesës Lindore të Shqipërisë. Pjesa tjetër e territorit do të ketë edhe kthjellime edhe pse reshjet e shiut do të jenë deri në fund të muajit. Nuk do të jenë të vazhdueshme, do të jenë të karakterit lokal”, shprehet metereologia Adiola Bani për “Report TV”.
Gjithashtu, reshjet e shiut do të na shoqërojnë edhe në ditët e para të muajit maj, por me intensitet të pakët.