Këngëtarja Morena Taraku është një ndër personazhet më të komentuar së fundmi në rrjete sociale për shkak të problemeve me ligjin, pasi makina e saj tip “Bentely” me vlerë 235 mijë euro rezultoi e vjedhur në Gjermani.
Këngëtarja shquhet për makinat luksoze, jetën e saj të shtrenjtë, pushimet e shumta dhe veshjet firmato.
Vazhdimisht në llogarinë e saj në Instagram ajo ndan momente nga përditshmëria, ku na tregon gjithmonë jetën ‘perfekte’ që bën.
E kemi parë të ndërrojë shpeshherë look dhe në të gjitha rastet, Morena shfaqet nëpër foto apo videoklipe me flokë të gjata.
Mirëpo, jeni kuriozë të dini si duket floku i vërtetë i Morena Tarakut?
Vetë këngëtarja na e tregoi pamjen e saj me një foto të publikuar pak minuta më parë në InstaStory.
Flokët e saj të vërtetë kanë një gjatësi deri tek veshi dhe këngëtarja ka preferuar të mbajë ngjyrën natyrale.
Duket se Morena i ka lënë flokët të rriten që prej herës së fundit kur i qethi thuajse zero, ndërkohë që ka preferuar të përdorë gjatë gjithë kohës paruke.
