Nuk ka më dyshime!
Trupi i pajetë i gjendur ditën e sotme është i Naya Rivera dhe u gjend pas gjashtë ditësh kërkim.
Më herët ditën e sotme, kreu i ekuipazhit të kërkim-shpëtimit tha se në liqenin ku u mbyt aktorja kanë gjetur një trup të pajetë dhe se nevojitej ekspertiza për të vërtetuar nëse ishte ajo apo jo.
Trupi i saj u gjet në pjesën verilindore të liqenit – i cili është 60 metra i thellë.
“Ne besojmë se trupi ishte fshehur brenda disa shkurreve në shtratin e liqenit,” thanë ekspertët.
Mediat ndërkombëtare shkruajnë se hetuesit janë të sigurtë se trupi është i Naya bazuar në vendndodhjen, karakteristikat fizike dhe veshjen e saj.
Djali i saj Josey u gjet duke fjetur në varkë me jelekun e shpëtimit të veshur, ndërsa atë të nënës së tij ende në bord.
Josey ndërkohë është kthyer në familjen e tij dhe është fotografuar në krahët e babait të tij, ish-burrit të Rivera-s, Ryan Dorsey, i cili dukej shumë i trishtuar për humbjen e madhe.
Rivera është e njohur për rolin e Santana Lopez në serialin e Fox tv për gjashtë vjet nga 2009, dhe u shfaq në çdo episod të tij. Ajo gjithashtu ishte pjesë e sitcomit të CBS “The Royal Family” dhe në filmin komedi “The Master of Disguise.”
