Pas komenteve tallëse të Dudës në një postim ku Fero shkruante se është reperi më i mirë në botë (lexo këtu), situata mes dy reperëve ka përshkallëzuar në kërcënime.
Në një video live në Instagram, Fero iu referua komenteve të Dudës duke e cilësuar “njëfarë” reperi që kërkon “të bëjë famë”. Gjithashtu, shtoi se personi në fjalë, nuk ka arritur të ketë sukses ndërsa Fero vetë, ka “shku n’gjith’ shqiptarin’, edhe i ka vetëm 21 vjet”.
Përpara këtyre komenteve, Duda nuk qëndroi dot gjakftohtë dhe në Instagram-in e tij, postoi një story ku shkruante se do t’i shkojë Feros në shtëpi, sapo ky të kthehej nga Zvicra.
“Kur t’kthehesh prej Zvicrës n’Gjilan na t’vina te shpia si gjith’ qysh. Ju vina Double G”, shkruajti Duda.
Dje, në një postim të Feros ku reperi i ri shkruante se është “rap artisti më i mirë n’bot’”, Duda komentoi duke e konsideruar Feron jo reperi, por “humori më i mirë në rap shqip”.
Kurse Fero iu kthye duke ironizuar se nuk e dinte se Duda është gjallë, ndërsa i tha se hiti i tij i fundit daton në 2006-ën.
