Dy këngëtaret shiqiptare, Fifi dhe Çiljeta dikur kanë qenë mike të ngushta dhe madje kanë edhe një bashkëpunim muzikor së bashku, këngën “Big Booty”, e cila pati shumë sukses.
Mirëpo pas pjesëmarrjes së tyre në spektaklin “Kënga Magjike”, diçka ndodhi mes tyre dhe në media u përfol gjatë se dy këngëtaret ishin zënë. Gjatë këtij spektakli Fifi nuk i dha shumë pikë Çiljetës për këngën me të cilën ajo konkurronte.
Madje pas kësaj Çiljeta nuk e ndiqte më Fifin në rrjetet sociale dhe për më tepër u fshi nga YouTube edhe bashkëpunimi i tyre muzikor.
Sot Fifi ishte e ftuar në emisionin “Thumb”, ku foli edhe për sherrin me Çiljetën. Ajo i kërkoi falje publikisht dhe tregoi se pasi Çiljeta u mërzit me të pasi nuk e votoi këngën e saj në spektaklin “Kënga Magjike”, ajo i kishte dërguar edhe një mesazh, por nuk kishte marrë përgjigje.
“Çiljeta e di shumë mirë se çfarë personi është për mua. Unë i kam kërkuar falje publikisht, i kam çuar mesazh e i kam thënë: ‘Nëse respekti im ndaj teje vërehet dhe kapet prej pikëve te ‘Kënga Magjike’ atëherë nuk kemi çfarë të diskutojmë më shumë’. Ajo nuk më ktheu përgjigje. Unë nuk e kam bërë me qëllim, por e kam parë spektaklin nga një anë tjetër, më shumë si artiste se sa si mike. Në momentin që ti je mik dhe prekesh se ti more 2 e unë mora 7 pikë, atëherë s’ke qenë asnjëherë mik”, u shpreh Fifi duke e mbyllur një herë e mirë këtë temë.
