Paris Jackson reagoi në Twitter për të hedhur poshtë thashethemet se kishte pasur një sherr të madh me të dashurin Gabriel Glenn, në mes të rrugës.
Në vend të sherrit, vajza e Michael Jackson tha se ata thjesht po aktronin një skenë ndarjeje të trishtë filmi.
Sot u publikuan disa foto shokuese të modeles duke bërë sherr me partnerin në publik, pak kohë pasi Paris i doli në mbrojtje të atit pas dokumentarit që akuzonte Michael Jackson për abuzim seksual me të mitur.
20-vjeçarja u fotografua duke pirë dhe festuar në një lokal në New Orleans, dy muaj pas rehabilitimit për abuzimin me alkoolin dhe çështjet e shëndetit mendor.
Ndërkohë që burimet treguan për “US Weekly” se çifti po pinte dhe po debatonte, Paris hyri shpejt në Twitter për të zbuluar se ata thjesht po aktronin skena nga Saturday Night Live’s “The Californians”.
“Unë dhe i dashuri im aktruam “The Californians” nga SNL, thjesht për argëtimin me miqtë tanë, dhe paparacët u gjendën aty për të bërë foto dhe gjithçka duket si një skenë ndarëse në një film të trishtë dramë. O Zoti im”, shkroi ajo.
“Unë kam të njëjtën busull morali si babai im, por jo nivelin e durimit”, vijon Paris duke na lënë të kuptojmë se nuk do të tolerojë thashetheme të tilla.
