Aktores së humorit Rudina Dembacajt i është dashur të kalojë një provë të vështirë. Asaj i është ngritur një kurth nga kolegët duke e bërë të besonte se bashkëshorti e tradhëtonte. E gjitha ka qenë e inskenuar në kuadër të një kamere të fshehtë të organizuar nga emisioni “Why Not”.
Kolegët e saj e kanë bërë të besojë se bashkëshorti i saj, Aleksi, e tradhëton me spikeren e lajmeve të “Ora News”, Edjona Dervishi.
Dy vajzat janë parë së bashku në një ambient të “Ora News”, pasi kanë pasur një përplasje oraresh dhe gjatë kësaj kohe, Edjona nis të flasë në telefon me “Aleksin” e saj, që po ashtu si bashkëshorti i Rudinës ka një servis makinash dhe është tullac.
Këto detaje e kanë vënë në dyshime Rudinën dhe fillon ta pyesë spikeren me detaje për partnerin e saj, derisa i thotë haptazi se ai është bashkëshorti i saj, ndërsa Dervishi i thotë se ata janë të fejuar.
Rudina nuk ka duruar më dhe e ka degjeneruar situatën me ofendime e sharje. Ajo besoi se bashkëshorti dhe babai i vajzës së saj e tradhëtonte me spikeren e lajmeve.
Duke parë sesi po degjeneronte situata , grupi organizator nuk e mbajti më lojën duke zbuluar se kjo ishte një kamera e fshehtë.
