Një sherr i madh mes dy vëllezërve për pronën në Dibër ka përfunduar me përdorim të armëve.
“Top Channel” shkruan se pas sherrit mes dy vëllezërve ka humbur jetën njëri prej tyre dhe djali i tij.
Ngjarja ka ndodhur në fshatin Xibër të Klosit, ku S.D., ka vrarë me armë zjarri pistoletë vëllain shtetasin K.D., dhe djalin e këtij të fundit shtetasin F.D., dhe më pas ka vrarë veten.
Policia ka mbërritur në vendngjarje për të zbardhur vrasjen e dyfishtë në familje që besohet se ka ndodhur për motive të dobëta.
Informacion paraprak
Më datë 01.10.2019, rreth orës 14.24, në fshatin Xibër, Bashkia Klos, në rrethana ende të paqarta shtetasi S.D., ka vrarë me armë zjarri pistoletë vëllain shtetasin K.D., dhe djalin e këtij të fundit shtetasin F.D., dhe më pas shtetasi S.D., ka vrarë veten. Grupi hetimor ka shkuar në vendngjarje dhe po punon për zbardhjen e plotë të ngjarjes.
/Top Channel
