Edhe në një familje mbretërore mund të ketë zënka mes nuses dhe vjehrrës.
Një video që tregon një moment të tensionuar mes Mbretëreshës Letizia dhe vjehrrës së saj gjatë pushimit vjetor të Pashkëve në Majorca, po bën xhiron e botës.
Mbretëresha Sofia dukej si një gjyshe krenare teksa përqafonte dy mbesat e saj Leonor, 12, dhe Sofia, 10 vjeç, për të pozuar për fotografët në Katedralen Palma, të dielën e Pashkëve.
Por video shfaq një moment tensioni ndërmjet ish-Mbretëreshës 79 vjeç dhe Letizia-s, 45-vjeçare. Kjo e fundit përpiqet të heqë krahun që Sofia ka vendosur në supet e mbesës së saj më të madhe, e cila më pas, e mërzitur, i heq mënjanë duart e nënës dhe gjyshes së saj.
Më pas shihet teksa mbërrin bashkëshorti i Letizia-s, Mbreti Felipe VI, ndërsa babai i tij 80-vjeçar po vështronte situatën e sikletshme nga një tjetër distancë.
Marie Chantal e cila është e martuar me kushëririn e mbretit Felipe, Princin Pavlos, ka reaguar në Twitter:
“Asnjë gjysh nuk e meriton këtë lloj trajtimi! Ajo ka treguar fytyrën e saj të vërtetë”.
Kjo video po bën xhiron e botës në internet dhe me siguri Letizia si një ish-gazetare nuk po ndihet aspak mirë për lajmet që janë përhapur për të.
Burimi: Daily Mail
