“Muzika e mirë nuk ka vdekur“- thotë këngëtari Sardi Strugaj në bio-n e llogarisë së tij në Instagram, duke na lënë të kuptojmë se çfarëdo të ndodhë, s’do të heqë dorë nga të bërit art e muzikë të bukur.
S’dimë ç’ka ndodhur me të dhe çunat e studios muzikore Undefined, por një postim i Sardit në InstaStory ngriti disa dyshime.
Ai tregoi për një studio të re dhe fillime të reja duke nënkuptuar mesa duket, që është shkëputur nga studio muzikore, ndërsa për arsyet u bëmë kuriozë. Madje, Undefined është “zhdukur” papritur edhe nga bio e Sardit në profilin e tij në Instagram.
Undefined ka qenë shtëpia e Sardit, Killua, Arnon, etj. ku kanë lindur edhe hite si: “Te Molla”, “Sytë”, “E pash unë djallin”, “Bagëti e Bujqësi”, etj. Kjo studio ka marrë shumë vlerësime dhe disa çmime në festivale kombëtare.
Kujtojmë që në shumë intervista, djemtë e Undefined janë paraqitur së bashku. Po ashtu ata numërojnë disa bashkëpunime të suksesshme, duke theksuar miqësinë mes njeri tjetrit.
Pas këngës hit tek Kënga Magjike, Sardi nuk ka sjellë këngë të re. Mos ndoshta problemet në studio kanë qenë shkaku?
Çfarë ka ndodhur mes miqve, mbetet ta zbulojmë…
