Nderimi i të rënëve në Varrezat e Dëshmorëve degradoi në përleshje mes komunistëve dhe mbështetësve të Parisë Demokratike.
Ashtu si çdo “5 Maj”, edhe ditën e sotme komunistët vendosën që kryenin nderimet duke mbajtur foton e Enver Hoxhës në duar.
E gjithë situata nisi pasi ata filluan të brohorisnin emrin e ish-diktatorit dhe të bënin thirrje për regjimin komunist.
Kjo situatë duket se ka revoltuar mbështetësit e opozitës, të cilët shkuan drejt memorialit të të rënëve të atdheut për të përgatitur ceremoninë e liderit të partisë, Lulzim Basha.
Përkrahësit e PD-së kanë nisur të ofendojnë dhe të fërshëllejnë drejt veteranëve, për të vijuar më pas me përplasje fizike.
Incidenti zgjati vetëm disa minuta pasi ndërhyri policia dhe parandaloi përshkallëzimin e situatës.
Burimi: Balkanweb
