Moderatorja shqiptare, Luana Vjollca u ka dhënë fund thashethemeve në lidhje me konfliktin që ka pasur me këngëtaren shqiptare Fifi.
Pas largimit nga “Top Channel” të kësaj të fundit, mediat po shkruanin për një mosmarrëveshje që kishte ndodhur mes saj dhe Luanës.
Por Fifi reagoi publikisht për këto aludime dhe tha se e vetmja arsye përse ishte larguar nga televizioni, ishte mbarimi i kontratës.
Për t’u dhënë fund të gjitha këtyre fjalëve, Luana Vjollca ka ftuar këngëtaren në episodin e radhës të emisionit të saj “Shiko Kush Luan”.
Në promon e emisionit, Fifi shfaqet në skenë duke kënduar. Nuk e dimë nëse do të jetë në rolin e të ftuarës apo është rikthyer për të kënduar.
Ajo që dimë është se këto mbrëmje të shtunash na ka shoqëruar këngëtarja Marsela Çibukaj dhe kjo e fundit nuk shihet në videon e publikuar në Instagram.
