Një konflikt banal mes të rinjve në Prishtinë ka degjeneruar në përdorimin e armës.
Nga mediat kosovare mësohet se para pak ditësh në një disko në kryeqytet, nipi i ish-deputetit të PDK Shaip Muja është konfliktuar me nipin e deputetit Islam Pacolli.
Të dyja palët duket se nuk e kanë mbyllur me aq, pasi të dielën pak pas mesnate, nipi i Shaip Mujës ka plagosur me armë në të dy këmbët vëllain e deputetit Islam Pacolli, Osmanin.
NJOFTIMI I POLICISË SË KOSOVËS:
“Me të dalë në vendin e ngjarjes policia ka konstatuar se ka të bëjë me vrasje në tentativë ku nga arma e zjarrit ka marrë plagë viktima: O. P, mashkull, 33 vjeç, shtetas i Republikës së Kosovës, i cili menjëherë është dërguar për trajtim mjekësor. Lidhur me rastin në fjalë policia ka identifikuar personin e dyshuar: A. M, mashkull, shtetas i Republikës së Kosovës i cili aktualisht ndodhet në arrati. I plagosuri në këtë rast është jashtë rrezikut për jetë”.
Burimi: Newsbomb
