Është shënuar sot viktima më e re në moshë nga koronavirusi në Shqipëri, ku një 34-vjeçare nga Librazhdi ka humbur jetën!
Ministria e Shëndetësisë bën me dijë se vajza vuante nga insuficenca renale kronike, diabeti, hipertensioni, dhe ishte shtruar në shërbimin infektiv prej disa ditësh, në gjendje të rëndë dhe e intubuar.
“Pavarësisht përkujdesjes së mjekëve nuk ka mundur të mbijetojë. Ministria e Shëndetësisë dhe Mbrojtjes Sociale i shpreh ngushëllimet familjarëve të të ndjerës”, thuhet në njoftim.
Ndërkohë, gjatë 24 orëve të fundit janë kryer 347 testime për të dyshuar të prekur me COVID-19, nga të cilat janë konfirmuar 67 raste pozitive.
Numrin më të lartë të të prekurve ditorë e ka Kruja me 18 raste, ndërkohë ka 16 të prekur në Tiranë, 10 në Shkodër, 6 në Vlorë, nga 2 raste në Kukës, Lezhë, Kurbin, Lushnje, dhe nga 1 rast përkatësisht në Durrës, Fier, Korçë, Kavajë, Rrogozhinë, Tropojë, Berat, Vau i Dejës dhe Divjakë.
Ndërkohë, vijon të ketë sërish shtrime të reja në spitalin Infektiv ku aktualisht po trajtohen 82 pacientë, 14 prej tyre janë në terapi intensive. Në 24 orët e fundit janë shëruar 22 qytetarë, mes tyre 7 mjekë dhe infermierë, duke e çuar në 1217 numrin e të shëruarve që nga fillimi i epidemisë.
Në vendin tonë janë aktualisht 850 persona aktivë me COVID-19, kryesisht në Tiranë, Shkodër, Durrës.
COVID-19 – Statistika (24 Qershor 2020)
Testime totale 24367
Raste pozitive 2114
Raste të shëruara 1217
Raste Aktive 850
Humbje jete 47 (Qarku Tiranë 26, Durrës 9, Fier 4, Vlorë 1, Shkodër 5, Kukës 1, Elbasan 1)
Shpërndarja gjeografike e rasteve aktive sipas qarqeve:
Tiranë 377
Durrës 165
Shkodër 135
Vlorë 69
Fier 39
Lezhë 24
Korçë 18
Kukës 10
Elbasan 9
Gjirokastër 2
Berat 2
/iconstyle.al
