Ka ndërruar jetë një tjetër pacient nga Tirana, pasi ishte shtruar prej ditësh në terapi intensive pas infektimit me COVID-19.
69-vjeçari nga Tirana, me inicialet S.K., është viktima e 33 që ka humbur betejën me koronavirusin.
Ministria bën me dije se sot janë shtuar 25 raste të reja me COVID-19 dhe aktualisht po trajtohen 17 pacientë, nga të cilët 3 janë në terapi intensive.
Më konkretisht janë 24 të prekur në Tiranë dhe 1 në Durrës. Ndër rastet e reja janë 15 të prekur në një call-center, kontakte të një rasti pozitiv të identifikuar dy ditë më parë.
Në 24 orët e fundit janë shëruar 8 qytetarë.
Nga fillimi i epidemisë janë kryer mbi 14500 testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1029. Prej tyre, rreth 78% janë të shëruar.
Në vendin tonë aktualisht janë 193 persona aktivë me COVID-19, kryesisht ne Tiranë, Durrës Krujë, Shkodër.
COVID-19 – Statistika (26 Maj 2020)
Testime totale 14832
Testime molekulare 13506
Testime serologjike 1326
Raste pozitive 1029
Raste të shëruara 803
Raste Aktive 193
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 80
Durrës 54
Krujë 24
Shkodër 12
Berat 10
Kamëz 9
Fier 2
Mirditë 1
Korçë 1
Situata me koronavirusin në mbarë botën:
Gati 5.5 milionë raste me koronavirus janë konfirmuar në të gjithë botën, sipas Universitetit Johns Hopkins. Më shumë se 346,000 njerëz kanë vdekur, ndërsa më shumë se 2.2 milionë janë shëruar.
OBSH ka paralajmëruar për rreziqet e një “kulmi të dytë të menjëhershëm” pasi vendet po lehtësojnë rregullat e izolimit, duke u kërkuar qeverive në Evropë dhe SHBA që të rritin masat e mbikëqyrjes, testimit dhe identifikimit.
Spanja ka ulur numrin e vdekjeve me gati 2,000 njerëz pasi kontrolloi të dhënat rajonale dhe zbuloi se disa vdekje ishin regjistruar dy herë ndërsa të tjerët nuk kishin qenë të lidhura me koronavirus.
Zemërimi publik vazhdon të ziejë në Mbretërinë e Bashkuar mbi Dominic Cummings, këshilltari politik i kryeministrit Boris Johnson, i cili theu rregullat duke udhëtuar nga shtëpia e tij në Londër për në shtëpinë e prindërve të tij në veri, kur dyshonte se ai kishte koronavirus.
Rusia bën me dije se 174 persona me koronavirus kanë vdekur në 24 orët e fundit, një numër rekord ditor që rriti numrin e vdekjeve në shkallë vendi në 3.807.
Zyrtarët raportuan 8.915 raste të reja të martën, duke e çuar numrin e përgjithshëm të të infektuarve në 362.342.
/Iconstyle.al
