Është shënuar viktima e 30 në vend nga koronavirusi!
Pacienti 50-vjeçar nga Tirana, ishte i shtruar prej kohësh në shërbimin Infektiv dhe ndodhej në reanimacion.
Ai vuante nga sëmundje të tjera shoqëruese, dhe për rrjedhojë e ka humbur betejën me virusin mëngjesin e sotëm.
Kjo është vdekja e dytë në më pak se 24 orë dhe deri më tani, numri i viktimave në vendin tonë që prej nisjes së pandemisë, ka shkuar në 30.
Një ditë më parë ndërroi jetë një 73-vjeçar i infektuar , i cili prej 24 ditësh ishte në intubim në spitalin “Shefqet Ndroqi”.
Ministria e Shëndetësisë bëri me dije një ditë më parë se në vendin tonë janë aktualisht 736 të infektuar dhe 422 të shëruar.
/Iconstyle.al
