A e keni vënë re që disa njerëz, pavarësisht se çfarë kanë, pavarësisht se cfarë fitojnë, nuk ndihen kurrë të kompletuar? Edhe nëse në jetë kanë arritur ose kanë marrë gjithçka që kanë kërkuar, ata përsëri kërkojnë më shumë.
Cilat shenja i përkasin?
Dashi
Në “natyrën” e Dashit është gjuetia dhe suksesi. Ata vazhdimisht përpiqen të pushtojnë qëllime të reja, të cilat kur t’i arrijnë do të mërziten lehtësisht dhe do të kërkojnë diçka të re. Ata emocionohen, pasionohen dhe mërziten po aq lehtë. Gjithçka është më e mirë se ajo që kishin dhe ata nuk mund të pushojnë nëse nuk marrin atë që u zgjoi interesin.
Binjakët
Dihet se Binjakët mërziten lehtësisht dhe janë gjithmonë në kërkim të diçkaje për t’i emocionuar. Pavarësisht nëse flasim për marrëdhënie personale apo profesionale, ata nuk janë kurrë të kënaqur. Ata janë vazhdimisht në kërkim të të resë dhe në kërkim të eksitimit, por edhe asaj “diçkaje” që do t’ua heqë mendjen. Nëse arrini të mbani të pazbehur interesin e tyre dhe të “luani” me mendimet e tyre, atëherë mund të qëndroni për një kohë në jetën e tyre.
Shigjetari
Në këtë listë nuk mund të mungonte shenja që kërkon vazhdimisht aventura dhe nuk vetëkënaqet. Shigjetarët kanë një dëshirë të pashuar për më të mirën. Ata janë të etur për diçka të re, nuk kanë frikë nga e panjohura dhe vështirë se mbeten në gjendje qetësie. Rreziku është sinonim i emrit të tyre, siç është edhe ndjenja e të qenit të pakënaqur.
